بەپێی هەواڵی کوردپرێس، لەسەر بنەمای پێشنیاری ڕووسیا و پشتگیریی ئەنقەرە، کومیتەی یاسای بنەڕەتیی سووریا بە بێ ئەوەی کە نوێنەرانی کورد بانگهێشتی کۆبوونەوەکە بکەن 24ی ئەم مانگە لە ژێنێڤ کۆ دەبنەوە.

لەمبارەوە ئاژانسی Mezopotamya دەنووسێت: لەو کۆبوونەوەیەدا کە بە بەشداریی نوێنەری تایبەتی نەتەوە یەکگرتووەکان لە کاروباری سووریا و بە سەرۆکایەتیی ئەحمەد کوزباری ئەندامی کومیتەی یاسای بنەڕەتیی سووریا بە نوێنەرایەتیی حکوومەتی سووریا و هەروەها هادی ئەلبەحرا وەکوو نوێنەری دژبەرانی حکوومەتی ناوەندی؛ بەڕێوەدەچێت "بنەما سەرەکی و نیشتمانییەکانی" یاسای بنەڕەتیی سووریا تاوتوێ دەکرێت.

شایانی باسە ئەم کۆبوونەوە لە حاڵێکدا بەڕێوەدەچێت کە هیچ نوێنەرێکی کورد بانگهێشت نەکراوە. واتا تاوتوێ کردنی بنەما سەرەکی و نیشتمانییەکانی دەستووری سووریا بە بێ ئامادە بوونی هیچ نوێنەرێک لە بەڕێوەبەرایتیی خۆسەر لە باکوور و ڕۆژهەڵاتی سووریا؛ بەڕێوە دەچێت.

دواهەمین کۆبوونەوەی کومیتەی یاسای بنەڕەتیی سووریا 9 پێێش ئێستا ئەنجام دراوە.

کۆدی هەواڵنێر: 60113