لە تورکیا ئاماری تووشبووانی کۆرۆنا 250 هەزار کەسی تێپەڕاند
پوختەی هەواڵ
بەشی تورکیا- وەزیری تەندروستیی تورکیا ڕایگەیاند لە ماوەی ٢٤ کاتژمێری رابردوودا، 22 کەسی دیکە لەو وڵاتە بەهۆی کۆرناوە گیانیان لە دەست داوە.
بەپێی هەواڵی کوردپرێس، ڕۆژی سێشەممە 18ی ئابی 2020 وەزیری تەندروستیی تورکیا، فەخرەدین کۆجا ڕایگەیاند: ئەمڕۆ 1 هەزار و 233 حاڵەتی تووشبوون بە ڤایرۆسی کۆرۆنا تۆمار کراوە، بەمەش ژمارەی گشتیی تووشبووان گەیشتە 250 هەزار و 542 کەس.
هەروەها راگەیەندرا لە تورکیا لە ماوەی ٢٤ کاتژمێری رابردوودا، 22 کەس گیانیان لەدەست داوە و کۆی گشتیی ئەوانەی گیانیان لەدەست داوە گەیشتە 5 ھەزار و 996 کەس.
وەزیری تەندروستیی تورکیا ڕاشیگەیاندووە ڕێژەی ئەو تووشبووانەی کە دۆخێکی ناجێگیریان هەیە ڕووی لە هەڵکشانە.
کۆدی هەواڵنێر: 60113
بۆچوونی بەکارهێنەران