زیاتر لە یەک ساڵە ڕێگە بە کەس نەدراوە لەگەڵ ئۆجەلان دیدار بکات/ خێزان و پارێزەرانی ئۆجەلان داوای دیداری دەکەن
پوختەی هەواڵ
بەشی تورکیا- پاش چەندین جار ڕەتکرانەوەی داواکارییەکان، خێزانی عەبدوڵا ئۆجەلان، رێبەری پارتی کرێکارانی کوردستان (پەکەکە) و پارێزەرانی بەمەبەستی سەردانیکردنی دورگەی ئیمرالی داواکارییێکی دیکەیان ئاڕاستەی وەزارەتی دادی حکوومەتی تورکیا کرد.
کوردپرێس:
ئاژانسی هاوار نیوز بڵاوی کردەوە، ڕۆژی هەینی 14ی ئابی 2020 محەمەد ئۆجەلان برای عەبدوڵا ئۆجەلان، رێبەری پارتی کرێکارانی کوردستان (پەکەکە) و پارێزەرانی، لەگەڵ بەشێک لە خێزانی دەستگیرکراوانی دیکە، بە مەبەستی دیداری ئیمرالی سەردانی وەزارەتی دادی حکوومەتی تورکیایان کرد.
لە 7ی ئابی ساڵی رابردوەوە رێگە بە پارێزەرەکانی ئۆجەلان نەدراوە بچنە ئیمراڵی و چاویان بە بریکارەکەیان بکەوێت
پارێزەرانی ئۆجەلان، نەورۆز ئویسال و رێزان ساریجا دوای هەشت ساڵ لە 2ی نیسان، 22ی نیسان، 2ی حوزەیران، 18ی حوزەیران و دوایین جاریش لە 7-8-2019 چاویان بە ئۆجەلان کەوتووە، لەو کاتەیشەوە رێگە بە پارێزەرەکانی ئۆجەلان نەدراوە بچنە ئیمراڵی و چاویان بە بریکارەکەیان بکەوێت.
زیاتر بخوێنەوە
هەواڵی پێشوو و داهاتوو
بۆچوونی بەکارهێنەران