«بسمان العلی العساف» سەرۆکی عەشیرەتی «طی» سووریا کە قەبیلەیێکی گەورەی عەرەب لە پارێزگای حەسەکە، هەڵکەوتوو لە باکوور و ڕۆژهەڵاتی سووریایە لە گفتوگۆ لەگەڵ کوردپرێسدا ئاماژەی دا بە بەیاننامەی هاوبەشی ژمارەیێک لە قەبیلە عەرەبەکانی باکوور و ڕۆژهەڵاتی سووریا و وتی: هێزە داگیرکەرەکانی تورکیا و گرووپەکانی سەربەو وڵاتە و هەروەها هێزە بیانییەکان کە خەریکی دزینی نەوتی ناوچەکەن دەبێت سووریا چۆڵ بکەن.

شایانی باسە لە بەشێکی بەیاننامەکەی عەشیرەتە عەرەبەکانی باکوور و ڕۆژهەڵاتی سووریادا هاتووە:

ئێمە بە جیددی بڕوامان وایە کە بەم هەڵمەتانەوە ناوچەکە ئەمن نابێت و سەقامگیریش بۆ سووریا ناگەڕێتەوە تاکوو هۆکارەکانی بشێوەنیانەوە لەناو بچن، هەروەها ئامادەبوونی نایاسایی هێزە داگیرکەرە بیانییەکان لەوان هێزەکانی تورکیا و ڕێکخراوە توندڕەوەکان کە لە سووریان خەریکی گۆڕینی دیموکرافیا و تاوان لەدژی خەێکی سووریان.

لە درێژەی بەیاننامەکەدا هاتووە: هەروەها هێزەکانی ئەمریکا کە سەرچاوە نەوتییەکانی سووریایان داگیر کردووە و خەریکی دزینی نەوتن، بەشێکن لە کێشەکانی ئێمە کە خەریکی پێشێل کردنی ئاشکرای سەروەریی خاکی سووریان.

کۆدی هەواڵنێر: 60113