هاوسەرۆکی تەندروستیی ئیدارەی خۆسەر: 27 حاڵەتی نوێی تووشبوون بە کۆرۆنا لە کوردستانی سووریا تۆمار کرا
پوختەی هەواڵ
بەشی سووریا- تەندروستیی ئیدارەی خۆسەر لە کوردستانی سووریا، تۆمارکردنی 27 حاڵەتی تووشبوون و حاڵەتێکی گیان­لەدەستدانی بە ڤایرۆسی کۆرۆنا ڕاگەیاند.
کوردپرێس:
ڕۆژی پێنجشەمە 13ی ئابی 2020 دکتۆر جوان مستەفا، هاوسەرۆکی دەستەی تەندروستی لە ئیدارەی خۆبەڕێوەبەریی باکوور و رۆژهەڵاتی سووریا ڕایگەیاند: ئەمڕۆ 27 حاڵەتی تووشبوون بە ڤایرۆسی کۆرۆنا نوێ (کۆڤید19) لە ئیدارەی خۆبەڕێوەبەری تۆمار کراوە بەوەش دوایین ئاماری تووشبوون بە ڤایرۆسەکە گەیشتە 171 حاڵەت".
هاوسەرۆکی دەستەی تەندروستی لە ئیدارەی خۆبەڕێوەبەریی باکوور و رۆژهەڵاتی سووریا گوتیشی: بەرەبەیانی ئەمڕۆ نەخۆشێکی تەمەن 70 ساڵ کە هەڵگری ڤایرۆسی کۆرۆنا بوو لە هەرێمی جزیرە، گیانی لەدەست دا.
ناوبراو ئاماژەی بەوەکرد؛ 23حاڵەتی تووشبووان لە هەرێمی جزیرە و چوار حاڵەتی لە هەرێمی شەهبا بووە.
ئاماری ڤایرۆسی کۆرۆنا لە کوردستانی سووریا:
تووشبووان: 171
چاکبوونەوە: 10
گیان­لەدەستدان: 8
بۆچوونی بەکارهێنەران