بەپێی هەواڵی کوردپرێس، سادق حسێنی به‌رپرسی راگه‌یاندنی حه‌شدی شه‌عبی له‌میحوه‌ری دیاله‌له‌ لێدوانێکی رۆژنامه‌وانیدا رایگه‌یاندووه‌، ئەمشەو چه‌کدارانی داعش هێرشیان کردوه‌ته‌ سه‌ر خاڵێکی سه‌ربازی ناوچه‌ی مه‌یته‌ی سنووری عوزێمی نێوان هه‌ردوو پارێزگای دیاله‌ و سه‌ڵاحه‌دین، هێزه‌کانی حه‌شدی شه‌عبیش رووبه‌ڕوویان بوونه‌ته‌وه‌، سێ چه‌کداری ئه‌و رێکخراوه‌یان کوشتووه‌ و ژماره‌یێک چه‌کداری دیکه‌شیان بریندار کردووه‌.

ناوبراو ئه‌وه‌شی روون کرده‌وه‌، هه‌ر له‌ئه‌نجامی ئه‌و هێرشه‌دا، چه‌کدارێکی حه‌شدی شه‌عبی برینداربووه‌ و دۆخی ته‌ندروستیی جێگیره‌.

به‌رپرسی راگه‌یاندنی حه‌شدی شه‌عبی باسی له‌وه‌ش کردووه‌، له ‌ئێستادا دۆخی ناوچه‌که‌ له‌ژێر کۆنترۆڵدایه‌ و ئه‌و چه‌کدارانه‌شی هێرشه‌که‌یان ئه‌نجام داوه‌ به‌ره‌و شوێنێکی نادیار هه‌ڵاتوون.

کۆدی هەواڵنێر: 60113