واشەنتن تایمز: پێویستە ئەمریکا کۆنتڕۆڵی داوای سەربەخۆییی کوردی عێراق بکات
پوختەی هەواڵ
بەشی جیهان- ڕۆژنامەی واشەنتن تایمز لە وتارێکدا نووسیویەتی ئەمریکا لە ڕێگای کۆنتڕۆڵ کردنی داواکاریی کورد لەبارەی سەربەخۆیییەوە دەتوانێت لەو بارەیەوە متمانە بە تورکیا ببەخشێت.
کوردپرێس:
ڕۆژنامەی واشەنتن تایمز لە شکردنەوەیێکدا لەبارەی ڕێککەوتننامەی ئەمنیی نێوان ئەمریکا و عێراق نووسیی: باشتر وایە ئەمریکا ڕێککەوتنێکی نوێ لەگەڵ عێراق واژۆ بکات کە بە پێی ڕێککەوتنەکە هێزە ئەمریکییەکان بە شێوەی هەمیشەیی لە عێراق نەمێننەوە و تەنها ئەگەر وڵاتێک هێرشی سەربازیی کردە سەر عێراق، پشتیوانیی سەربازی لە عێراق بکەن.
گۆڤارەکە پێشنیازی ئەوەشی کردووە کە ئەمریکا هێزی پیادە و کەرەستەی سەربازیی خۆی لە هەرێمی کوردستانی عێراق جێگیر بکات و بەو شێوەیە متمانە بە تورکیا ببەخشێت کە مەسەلەی داواکاریی کورد بۆ سەربەخۆیی کۆنتڕۆڵ دەکات و لەو ڕێگایەوە ڕێگری بکات لە زیانبینینی تورکیا.
نووسەری بابەتەکە ئاماژەی بەوەش کردووە کە تورکیاش و کوردیش پێوەندییان لەگەڵ ئەمریکا هەیە بەڵام پێویستە ئەو خاڵەش ڕەچاو بکرێت کە ئەو دوو لایەنە بێز لە یەکتر دەکەن.
بۆچوونی بەکارهێنەران