عێراق تووشبوونی دوو هەزار و 170 کەسی دیکەی بە کۆرۆنا راگەیاند
پوختەی هەواڵ
بەشی عێراق و هەرێمی کوردستان- وەزارەتی تەندروستی عێراق بڵاوی کردەوە، لە ماوەی 24 کاتژمێری رابردوو، دوو هەزار و 170 کەسی دیکە لە عێراق تووشی کۆرۆنا بوون.
بەپێی هەواڵی کوردپرێس، بە گوێرەی راگەیەندراوی وەزارەتی تەندروستی، زۆربەی حاڵەتەکانی تووشبوون و گیان لەدەست دان لە شارەکانی بەغدا،بەسرە، سلێمانی، کەربەلا، دیوانییە و دیالەن.
بەم ئامارە نوێیە، ژمارەی تووشبووان لە عێراق گەیشتە 69 هەزار و 612 کەس کە لە ماوەی شەو ڕۆژێکدا، هەزار و 623 کەسیش چاک بوونەتەوە و کۆی چاک بوونەوە 39 هەزار و 502 کەس تۆمار کراوە.
هەر لەماوەی 24 کاتژمێردا 103 کەسیش بەهۆی ڤایرۆسەکە گیانیان لەدەستدا و بەو پێیەش کۆی گیان لەدەست دان دوو هەزار و 882 حەڵەتە.
کۆدی هەواڵنێر: 60113
بۆچوونی بەکارهێنەران