دوو هەزار و 334 کەسی دیکە لە عێراق تووشی ڤایرۆسی کۆرۆنا بوون
پوختەی هەواڵ
بەشی عێراق و هەرێمی کوردستان- لە عێراق لە ماوەی 24 کاتژمێری رابردوودا، دوو هەزار و 334 کەسی دیکە تووشی ڤایرۆسی کۆرۆنا بوون.
بەپێی هەواڵی کوردپرێس، وەزارەتی تەندروستیی عێراق بڵاوی کردەوە، لە ماوەی 24 کاتژمێری رابردوو، دوو هەزار و 334 کەسی دیکە تووشی ڤایرۆسی کۆرۆنا بوون و بەمەش کۆی گشتی تووشبووانی کۆرۆنا لە عێراق بۆ 58 هەزار و 354 کەس بەرزبووەوە.
هەروەها لە ماوەی 24 کاتژمێری رابردوو 106 کەسیش بەگۆی ڤایرۆسەکە گیانیان لەدەست داو و بەو پێیەش بە گشتی دوو هەزار و 368 کەس گیانیان لەدەست داوە.
هەروەها 31 هەزار و 77 کەسیش تا ئێستا لە عێراق پەتاکەیان تێپەڕاندووە و چاک بوونەتەوە.
کۆدی هەواڵنێر: 60113
بۆچوونی بەکارهێنەران