کارمەندانی هاتوچۆ لەسلێمانى خۆپیشاندانیان دەست پێکرد
پوختەی هەواڵ
بەشی عێراق و هەرێمی کوردستان- ڕۆژی پێنج شەممە 2ی جوولای 2020 هاوشێوەی ڕۆژانی پێشوو بەشێک لەکارمەندانی هاتوچۆی سلێمانی بۆ ناڕەزایی دەربڕین بەرانبەر بە مووچەی فەمانبەران لە بەردەم باخی گشتی سلێمانی گردبوونەوەیان دەست پێکرد.
کوردپرێس:
لە چەند ڕۆژی ڕابردوووەوە خۆپیشاندانی ناڕەزاییی هاووڵاتییانی هەرێمی کوردستان ناوبەناو دژی یاسای مووچە و دواکەوتنی مووچەی فەرمانبەران بەڕێوە دەچوو و ڕۆژی پێنج شەممە 2ی جوولای 2020 هاوشێوەی ڕۆژانی پێشوو بەشێک لەکارمەندانی هاتوچۆی سلێمانی لەبەردەم باخی گشتی سلێمانی گردبوونەوەیان دەست پێکرد.
کارمەندانی هاتوچۆ لەو گردبوونەوەیەدا داوادەکەن، موچەکانیان لێ نەبڕن و بەتەواوی لەکاتی خۆیدا پێیان بدرێت.
ئەمە لەکاتێکدایە، دوێنێ چوار شەممە عەمید فەرەیدون عومەر، بەڕێوەبەری هاتووچۆی سلێمانی ڕاگەیاند، “هەموو هەوڵێکمانداوە لە پێنج شەممەوە پۆلیسی هاتووچۆ بکەونەوە کارکردن و ڕای وەزارەتی ناوخۆش وایە، کە بچنەوە سەر کارەکانیان بە پێچەوانەوە ڕێکاری یاسایی بەرامبەریان دەگیرێتەبەر”.
زیاتر بخوێنەوە
هەواڵی پێشوو و داهاتوو
بۆچوونی بەکارهێنەران