کوردپرێس: لەو بارەیەوە زرێڤان مووسا بەڕێوەبەری ناحیەی دەرکاری سەر بە قەزای زاخۆ لە پارێزگای دهۆک لە لێدوانێکی رۆژنامەوانیدا وتوویەتی: هێشتا روون نییە هێزەکانی سوپای تورکیا بەقووڵایی چەند هاتوونەتە ناو خاکی هەرێمی کوردستانەوە، بەڵام ئەو ناوچانەی هێزە سەربازییەکانی تورکیا ئۆپەراسیۆنی تێدا بەڕێوە دەبن ژمارەیێکی زۆر گوندی تێدایە .

بەڕێوەبەری ناحیەی دەرکاری باسی لەوە کردووە ژمارەی ئەو گوندانەی کەوتوونەتە ژێر دەستی هێزەکانی تورکیا ٢١ گوندن، کە زۆرینەی خەڵکەکەی بەهۆی شەڕ و بەیەکدادانەکانەوە چۆڵیان کردووە، بەڵام ژمارەیێکی کەمیان ئامادە نەبوون ماڵ و حاڵی خۆیان بەجێبهێڵن و لەشوێنی خۆیان ماونەتەوە .

ناوبراو روونیشی کردووەتەوە، کە لەگەڵ ئەوەی شەڕ و بۆردوومانەکان نزیکن لەو گوندانەوە، بەڵام تائێستا لە سنووری ناحیەکەیاندا هیچ زیانێکی گیانی نەبووە، بەڵام زەروەر و زیانێکی ماددی گەورە بە ناوچەکە کەوتووە.

ئێستا لە ناوچەکانی حەفتانین و خواکورک بەدرێژایی 300 کیلۆمەتر، شەڕ لەنێوان هیزە تایبەتییەکانی تورکیا و پەکەکە بەردەوامە.

کۆدی هەواڵنێر: 60113