بەپێی هەواڵی کوردپرێس، بەیانیی ئەمڕۆ ئاگڕ لە کۆگایێکی سووتەمەنی لەسەر رێگەی مەخموور - ھەولێر کەوتەوە کە بەنزینخانەیێکیشی لە تەنیشتدایە، بەو ھۆیەشەوە کەسێک گیانی لەدەست داوە.

لەو بارەیەوە وتەبێژی بەڕێوەبەرایەتی بەرگریی شارستانی ھەولێر ، سەرکەوت کارەش وتی: ئاگر لە یەکێک لە کۆگاکانی سووتەمەنی کەوتەوە، تیمەکانمان سەرقاڵی کۆنترۆڵی ئاگرەکەن.

سەبارەت بە زیانەکان ناوبراو وتی: بەھۆی ڕووداوی ئاگرکەوتنەوەکە کەسێک، کە خەڵکی بەردەڕەشە گیانی لەدەست داوە، چەند تانکەر و ژمارەیێک عەمباریش سووتاون.

وتەبێژی بەرگریی شارستانی ھەولێر باسی لەوەش کرد،تیمەکانی ئاگرکوژێنەوە رێگریان کردووە لەوەی، کە ئاگرەکە مەترسی بۆ سەر دەوروبەری کۆگایەکە ھەبێت و لە ئێستادا لێکۆڵینەوە لە رووداوەکە دەستیپێکردووە.

کۆدی هەواڵنێر: 60113