بەپێی هەواڵی کوردپرێس، ئەنجومەنی نیشتمانی کوردانی سووریا (ENKS) لە بەیاننامەیێکدا ئاماژە بە چارەسەر کردنی کێشەی کورد لە سووریا دەکات و ڕایدەگەیێنێت: ئەنجومەنەکە بەمەبەستی یەکڕیزیی نێوماڵی کورد و چارەسەر کردنی کێشەی کورد کۆبوونەوەیێکی لە 12ی مەی بەڕێوەبرد. حکوومەتی ناوەندی هێشتا بژاردەی سەربازی بە چارەسەر دەزانێت بۆیە کۆمەڵگای نێودەوڵەتی دەبێت بۆ دەستپێکردنی چارەسەری سیاسی قەیرانەکان دەبێت گوشار بخاتە سەر حکوومەتی ناوەندیی سووریا.

ئاژانسی KRDnews زانیاری زیاتر لەبارەی بەیاننامەکەی ئەنەکەسە بڵاو دەکاتەوە و دەنووسێت لە بەیاننامەکەدا هاتووە: «کوردەکان و دیکەی خەڵکی سووریا بۆ دامەزراندنی سووریایێکی دیموکرات دەبێت یەکبگرن. هەروەها سوپاسی هەوڵەکانی ئەمریکا و هەرێمی کوردستان دەکات بەبۆنەی هەڵمەتەکانیانەوە بۆ یەکڕیزیی کوردانی سووریا».

لە کۆتایی بەیاننامەکەدا ئاماژەی بە دۆخی عەفرین دەدرێت و هاتووە: ENKS کرداری گرووپە چەکدارەکان لە عەفرین وەکوو پێشێل کردنی مافی مرۆڤ، چەپاوکردنی سامانی خەڵک، توندوتویژی و ڕفاندنی خەڵک ئیدانە دەکات و داوای سزادانی، ئەنجامدەرانی تاوانەکانە.

کۆدی هەواڵنێر: 60113