کۆی حاڵەتەکانی مردن بە کۆرۆنا لە تورکیا 4 هەزار کەسی تێپەڕاند
پوختەی هەواڵ
بەشی تورکیا- وەزیری تەندروستیی تورکیا لە لێدوانێکدا ڕایگەیاند لە ماوەی 24 کاتژمێری ڕابردوودا 55 حاڵەتی مردن بە هۆی کرۆنا لەو وڵاتە تۆمار کراوە و بەوەش کۆی حاڵەتەکانی مردن بە کۆرۆنا لە تورکیا گەیشتە 4هەزار و 7حاڵەت.
بەپێی هەواڵی کوردپرێس، فەخرەدین کۆجا وەزیری تەندروستیی تورکیا لە لێدوانێکیدا دوایین ئامارەکانی لەبارەی کۆرۆناوە لەو وڵاتە بڵاو کردەوە و ڕایگەیاند لە ماوەی 24 کاتژمێری ڕابردوودا 55 هاووڵاتیی تورکیا بە هۆی کرۆناوە گیانیان لە دەست داوە و 1 هەزار و 635 کەسی دیکەش تووشی ڤایرۆسەکە بوون و بەم پێیەش کۆی حاڵەتەکانی مردن بە کۆرۆنا لە تورکیا گەیشتە 4هەزار و 7حاڵەت و کۆی گشتیی تووشبووان گەیشتە 144 هەزار و 749 کەس.
وەزیری تەندروستی تورکیا ئەوەشی ئاشکرا کرد کۆی ئەو کەسانەی لە پەتاکە چاک بوونەتەوە لە بەرز بوونەوەدایە و ئاماری ئەو کەسانەی کە لە نەخۆشخانەکان خەوێندراون ڕووی لە دابەزینە.
کۆدی هەواڵنێر: 60113
بۆچوونی بەکارهێنەران