ژمارەی حاڵەتەکانی تووشبوون بە کۆرۆنا لە تورکیا گەیشتە 138 هەزار و 657 حاڵەت
پوختەی هەواڵ
بەشی تورکیا- وەزیری تەندروستیی تورکیا لە لێدوانێکدا ڕایگەیاند لە ماوەی 24 کاتژمێری ڕابردوودا هەزار و 542 حاڵەتی نوێی تووشبوون بە کۆرۆنا تۆمار کراوە و بەوەش کۆی حاڵەتەکانی تووشبوون بەو ڤایرۆسە لە تورکیا گەیشتە 138657 حاڵەت.
بەپێی هەواڵی کوردپرێس، فەخرەدین کۆجا وەزیری تەندروستیی تورکیا لە لێدوانێکیدا دوایین ئامارەکانی لەبارەی کۆرۆناوە لەو وڵاتە بڵاو کردەوە و ڕایگەیاند لە ماوەی 24 کاتژمێری ڕابردوودا 47 هاووڵاتیی تورکیا بە هۆی کرۆناوە گیانیان لە دەست داوە و هەروەها 1542 حاڵەتی نوێی تووشبوون بە کۆرۆنا تۆمار کراوە.
ناوبراو زیادی کرد: بەمەش کۆی گشتیی قوربانیانی کۆرۆنا لە تورکیا گەیشتە 3 هەزار و 786 کەس.
وەزیری تەندروستیی تورکیا ئەوەشی ئاشکرا کرد کۆی ئەو کەسانەی لە پەتاکە چاک بوونەتەوە دەگاتە 92 هەزار و 691 کەس.
کۆدی هەواڵنێر: 60113
زیاتر بخوێنەوە
هەواڵی پێشوو و داهاتوو
بۆچوونی بەکارهێنەران