ساڵح موسلیم: هێشتا هیچ ڕێککەوتنێک لەنێوان ENKS و PYD واژۆ نەکراوە
پوختەی هەواڵ
بەپێی هەواڵی کوردپرێس، ساڵح موسلیم هاوسەرۆکی پێشووی پەیەدە و بەرپرسی پەیوەندیەکانی ئێستای ئەو حیزبە لە لێدوانێکدا بۆ میدیاکان ئاشکرای کرد کە چەند کۆبوونەوەیێک بە ئامادەبوونی نوێنەرانی وڵاتانی رۆژئاوا لەنێوان پەیەدە و ئەنەکەسە کراوە، بەڵام تا ئێستا نەگەیشتووینەتە رێککەوتنی کۆتایی.
هەروەها ئەمڕۆ لە میدیاکانی پەیەدە و فراتنیوز و میدیاکانی تری نزیک هەسەدە هیچ هەواڵی جۆرە رێککەوتنێکی لەو شێوەیە بڵاونەکراوەتەوە.
ئەو لێدوانەی موسلیم دوای ئەوە دێت کە پێشتر میدیاکان و چەند بەرپرسێکی دیکەی کوردی سووریا بڵاویان کردەوە هەردوو لا لە سەر چەندخاڵێکی گرینگ ڕێککەوتوون بۆ نموونە هەردوولا کۆکن لە سەر گفتوگۆ کردن لەگەڵ دەوڵەتی ناوەندی و هەروەهاش لەبارەی لایەنەکانی ئوپوزسیۆن و پێوەندیی کورد لەگەڵ حکوومەتەکانی دەوروبەر و هەروەهاش چارەنووس و ئایندەی کوردستانی سووریا کۆمەڵێک خاڵی دیکەن کە دوو لایەنە کوردییەکە لە سەری کۆکن.
هەروەها پێشتر کاوە عەزیزی بە کوردپرێسی ڕاگەیاند: ئەوەی گرینگە گفتوگۆ کردن لە سەر چۆنیەتیی ئیدارەکردنی کوردستانی سووریا و شێوەی مامەڵەکردن لەگەڵ هێزە چەکدارەکانە بۆیە گفتوگۆکان لەو بارەیەوە بەردەوامە و لە سەر ئەو مەسەلەیە هیچ ڕێککەوتنێک نەکراوە.
کۆدی هەواڵنێر: 60113
بۆچوونی بەکارهێنەران