لە کەرکووک بۆمبێک بە ئۆتۆمبێلی هێزە ئەمنییەکاندا تەقیەوە
پوختەی هەواڵ
بەشی عێراق و هەرێمی کوردستان- لە نزیک پردی چوار لە باشووری کەرکووک، بۆمبێکی لکێنراو بە ئۆتۆمبێلی ئەفسەرێکی پۆلیسدا تەقییەوە.
کوردپرێس: عەمید ئەفراسیاو کامل وەیس، گوتەبێژی پۆلیسی کەرکووک لەمبارەوە بە تۆڕی میدیای رووداوی راگەیاند " سەرلەبەیانی ئەمڕۆ شەممە بۆمبێکی لکێنراو بە ئۆتۆمبێلی ئەفسەرێکی پۆلیسدا تەقییەوە ئەفسەرەکە پلەی عەقیدە و لە بەشی بازگەکانی پۆلیس دەوام دەکات.
ناوبراو وتیشی ئەفسەرەکە بە رێگەوە بووە بۆ سەر کارەکەی، بەڵام بۆمبێکی لکێنراو بە ئۆتۆمبێلەکەیەوە تەقییەوە و ئەفسەرەکە و دوو لە پاسەوانەکانی بریندار بوون.
گوتەبێژی پۆلیسی کەرکووک دەشڵێت، ئەفسەرەکە و پاسەوانەکانیشی رەوشی تەندروستیان باشە و لێکۆڵینەوە لە رووداوەکە بەردەوامە.
لەماوەی یەک ھەفتەدا ئەمە سێیەمین تەقینەوەیە لەنێو شاری کەرکووک روودەدات و ھێزە عێراقییەکان دەکاتە ئامانج.
کۆدی هەواڵنێر: 60113
زیاتر بخوێنەوە
هەواڵی پێشوو و داهاتوو
بۆچوونی بەکارهێنەران