تووشبووانی کۆرۆنا لە تورکیا ژمارەی 1000ی تێپەڕاند
پوختەی هەواڵ
بەشی تورکیا- وەزارەتی تەندروستیی تورکیا ڕایگەیاند لە 24 کاتژمێری ڕابردوودا 289 کەیسی نوێی تووشبووی کۆرۆنا تۆمار کراوە و بەوەش ژمارەی تووشبووان لە تورکیا گەیشتە هەزار و 236 کەس.
کوردپرێس:
ڕۆژی دووشەمە 23ی مارچی 2020 فەخرەدین کۆجا وەزیری تەندروستیی تورکیا لە لێدوانێکدا دوایین ئاماری تووشبووانی کۆرۆنای ئاشکرا کرد و ڕایگەیاند: لە 24 کاتژمێری ڕابردوودا 289 کەیسی نوێی تووشبووی کۆرۆنا تۆمار کراوە و بەوەش ژمارەی تووشبووان لە تورکیا گەیشتە هەزار و 236 کەس.
هەر بە پێی وتەکانی وەزیری تەندروستیی تورکیا لە 24 کاتژمێری ڕابردوودا 9 کەسی دیکە بە هۆی کۆرۆناوە گیانیان لە دەست داوە و بەوەش ژمارەی قوربانییانی ئەو ڤایرۆسە لە تورکیا گەیشتۆتە 30 کەس.
شایانی باسە ڤایرۆسی کۆرۆنا بۆ یەکەم جار ڕۆژی 11ی مارچی 2020 لە وڵاتی تورکیا تۆمار کرا و لە ماوەی یازدە ڕۆژی ڕابردوودا بە خێرایی پەرەی سەند و ئێستا گەشتۆتە سەروو هەزار کەس.
زیاتر بخوێنەوە
هەواڵی پێشوو و داهاتوو
بۆچوونی بەکارهێنەران