بەپێی هەواڵی کوردپرێس، وەزارەتی دەروەی ڕووسیا لە بەیاننامەیێکدا ئاماژەی بە دوا گۆڕانکارییەکانی ئیدلیب دا و ڕایگەیاند: میلیشیاکانی ئیدلیب پێبەندی ڕێککەوتنەکەی تورکیا و ڕووسیا نین و چەند هەڵمەتیان دژی بنکەکانی سوپای سووریا لە ئیدلیب ئەنجام داوە.

ڕۆژنامەی دیوار زیاتر دەنووسێت ئەم پەیامە لە کاتێکدا لە لایەن ڕووسیاوە بڵاو دەکرێتەوە کە دوێنێ یەکەم گەڕی هاوبەشی سوپای ڕووسیا و تورکیا لە ڕێگای M4 ئەنجام دراوە و چەند سەرچاوەیێکی خۆجێیی دەڵێن ژمارەیێک گرووپی چەکدار بۆ تێکدانی دەوریە هاوبەشەکان هەوڵ دەدەن. بۆیە یەکەم دەوریەی هاوبەشی ڕووسیا و تورکیا زۆر بەکورتی ئەنجام درا.

شایانی باسە پاش ڕێککەوتنەکەی ڕەجەب تەییب ئەردۆغان سەرۆک کۆماری تورکیا و پووتین سەرۆک کۆماری ڕووسیا لە 5ی مارسی 2020 لە مۆسکۆ ئاگربەست لە ئیدلیب ڕاگەیێندرا.

کۆدی هەواڵنێر: 60113