وەزیری دارایی و ئابووری حکوومەتی هەرێم سەردانی مەرزی باشماخ دەکات
پوختەی هەواڵ
بەشی عێراق و هەرێمی کوردستان- بڕیارە ئەمڕۆ هەینی، وەزیری دارایی و ئابوری حکوومەتی هەرێمی کوردستان بۆ ئاگاداربوون لە کاروچالاکی بازرگانی و خۆپارێزیەکان بەرامبەر بە ڤایرۆسی کۆرۆنا سەردانی مەرزی باشماخ بکات.
بەپێی هەواڵی کوردپرێس، ئەحمەد عەبدولرەحمان، وتەبێژی وەزارەتی دارایی و ئابووری حکوومەتی هەرێمی کوردستان رایگەیاندوە:"بۆ لەنزیکەوە ئاگاداربوون لە کار و چالاکی بازرگانی و خۆپارێزیەکان بەرامبەر ڤایرۆسی کۆرۆنا ھەینی 13/3/2020 کاتژمێر 09:30 ، ئاوات شێخ جەناب، وەزیری دارایی و ئابووری بەیاوەری شاندێک سەردانی مەرزی نێودەوڵەتی باشماخ دەکات".
مەرزی باشماخ یەکێکە لە مەرزە نێودەوڵەتییەکانی هەرێمی کوردستان، هاوسنوورە لەگەڵ کۆماری ئیسلامیی ئێران و رۆژانە هاتوچۆیێکی بازرگانی فراوانی تێدا ئەنجام دەدرێت،.
لەئێستادا بەهۆی بڵاوبوونەوەی رێژەیێکی بەرزی ڤایرۆسی کۆرۆنا، مەرزەکە داخراوە و تەنها رێگە با هاتوچۆی کەلوپەلی بازرگانی دەدرێت.
کۆدی هەواڵنێر: 60113
زیاتر بخوێنەوە
هەواڵی پێشوو و داهاتوو
بۆچوونی بەکارهێنەران