بەپێی هەواڵی کوردپرێس، ئەحمەد سەحاف، وتەبێژى وەزارتى دەرەوەى عێراق رایگەیاند، ئەو منداڵانە رەگەزنامەى ئازربایجانیان هەیە و لەگەڵ دایکیاندابوون، کە دایکیان لەلایەن دادگاکانى عێراقەوە بەتۆمەتى بوون لە ریزکانى داعشدا سزادراون.

سەحاف وتیشى، بە ئامادەبوونى نوینەرى ئەنجومەنى باڵاى دادوەرى و نوینەرى باڵیۆزخانەى ئازربایجان پرۆسەى ناردنەوەی منداڵەکان جێبەجێ کراوە.

ناوبراو ئاماژەى بەوەش کردووە، تائێستا ٩٤٠ منداڵى داعش لە رەگەزنامەى جیاوازى وڵاتانى بیانى رەوانەى وڵاتەکانیان کراونەتەوە، کە ٢٤٨ یان بۆ ئازربایجان بووە.

لە ماوەى شەڕى نێوان ساڵانى (٢٠١٤ بۆ ٢٠١٧)ى حکوومەتى عێراق لەگەڵ چەکدارانى داعش، زیاتر لە هەزار چەکدار و لایەنگرى داعش لە لایەن دەسەڵاتدارانى عێراقەوە دەستگیرکران کە بەشێکیان چەکدارى بیانى بوون.

کۆدی هەواڵنێر: 60113