نێچیرڤان بارزانى پێشوازى له شاندێكى ئهمهریكى دهكات
پوختەی هەواڵ
کوردپرێس:
ڕۆژی پێنجشهممه 12/3/2020 له ههولێر نێچیرڤان بارزانى سهرۆكى ههرێمى كوردستان پێشوازىی له ولیهم ڕۆبوک جێگرى نێردهى تایبهتى ئهمهریكا بۆ هاوپهیمانیى نێودهوڵهتى و ڕاوێژكارى باڵاى نێردهى تایبهتى ئهمهریكا بۆ سووریا كرد.
له كۆبوونهوهیێکدا ههردوولا دوایین پێشهاتهكانى عێراق و هێرشى شهوى ڕابردووى سهر هێزهكانى هاوپهیمانیى نێودهوڵهتى له سهربازگهى ئهلتاجى له بهغدا، دوایین پێشهاته سیاسییهكان له عێراق و ههوڵهكان بۆ دهستنیشان كردنى كاندیدێكى تازهى سهرۆكایهتیى حكوومهت، پهیوهندییهكانى ههولێر ـ بهغدا، پهرهسهندنهكانى بڵاوبوونهوهى كۆرۆنا له عێراق و ههرێمى كوردستان و ئامادهكارى و ههنگاوهكان بۆ ڕووبهڕووبوونهوهى و ڕێگری كردن له تهشهنهسهندنى تاوتوێ كران.
له بهشێكى دیكهى كۆبوونهوهكهدا كه كونسووڵی گشتیى ئهمهریكا له ههرێمى كوردستان و ژمارهیێک له بهرپرسانى ههرێم ئامادهى بوون، مهترسیى سهرههڵدانهوهى داعش و گرنگیى بهردهوامیى پشتگیریى هاوپهیمانیى نێودهوڵهتى بۆ عێراق و ههرێمى كوردستان بۆ بهرهنگاربوونهوهى، پرسى سووریا و پهرهسهندنه سهربازییهكانى ئهوێ، دۆخى كورد له سووریا و ههوڵهكان بۆ لێكنزیككردنهوهى لایهنه كوردییهكانى سووریا خرانه بهر باس و ههردوولا جهختیان له پشتگیری كردنى ئهو ههوڵانه كردهوه.
کۆدی هەواڵنێر: ٦۰۱۰۳
بۆچوونی بەکارهێنەران