بەپێی هەواڵی کوردپرێس، مەولوود چاوشئۆغڵو، وەزیری دەرەوەی تورکیا لە میانی بەشداری کردنی لە رێورەسمی واژۆکردنی رێککەوتنامەی نێوان ئەمریکا و تالیبان لە قەتەر لە دوای کۆبوونەوەی لەگەڵ وەزیری دەرەوەی ئەمریکا مایک پۆمپیۆ، وەڵامی رۆژنامەنووسانی دایەوە.

وەزیری دەرەوەی تورکیا، سەبارەت بە کۆبوونەوە چاوەڕوانکراوەکەی نێوان سەرکۆماری تورکیا رەجەب تەیب ئەردۆغان و سەرۆکی رووسیا ڤلادمێر پوتین لە سەرەتای مانگی ئاداردا گوتی: "پێویستە ھێرشەکانی حکوومەتی سووریا و پشتیوانەکانی ڕووسیا بووەستێندرێت".

وەزیری دەروەی تورکیا وتیشی رووسیا بە ئاشکرایی پاڵپشتی لە حکوومەتی سووریا دەکات، ئەوە شتێکی شاراوە نییە.

مەولوود چاوشئۆغڵۆ زیادی کرد ئەگەر ئەم ھێرشانە نەوەستێندرێت سێ ملیۆن کەس ئاوارەدەبن. ئێمە ئەم بارەمان تاکوو ئەمڕۆ بەتەنھا ھەڵگرت، ئەورووپا توانی بەشێک لە بەڵێنەکانی بە جێبگەێنێت".

کۆدی هەواڵنێر: 60113