بەپێی هەواڵی کوردپرێس، عەبدوڵڵا گویل، سەرۆک کۆماری پێشووی تورکیا رەخنەی لە سیستمی تورکیا گرت و بە رۆژنامەی KARARی تورکی رایگەیاندووە "پرسی کورد کێشەی بنەرەتی تورکیایە و ئەگەر ئەو پرسە چارەسەر نەکرێت، تورکیا لە کێشەکان رزگار نابێت".

عەبدوڵڵا گویل ئاماژەی بەوەش کرد "سیستمی سەرۆکایەتی لەگەڵ کۆمەڵگەی تورکیا ناگونجێت و دوای ئەو سیستمە سەرجەم کێشەکان گەورەتر بوون".

عەبدوڵڵا گویل، راشیگەیاند "کوردانی تورکیا تێکەڵ بە کۆمەڵگەی تورکیا بوونە و جیاکردنەوەیان زەحمەتە".

بەبڕوای عەبدولڵا گویل، چارەسەرکردنی پرسی کورد، بە بەخشینی مافی ھاووڵاتییێکی یەکسان و دانانی دەستوورێکی نوێ و دانان بە مافەکانیان دەبێت. ئەگەر مافەکانی کورد مسۆگەر ببن، ئەوکات تورکیا دەتوانێت کێشەکانی دەرەوەی بە ئاسانی چارەسەر بکات.

کۆدی هەواڵنێر: 60113