ژمارەی بریندارە ئەمریکییەکانی بۆردومانەکەی ئێران بۆ سەر بنکەی عەین ئەسەد زیادی کردووە
پوختەی هەواڵ
بەشی عێراق و هەرێمی کوردستان- ژمارەی ئەو سەربازە ئەمەریکییانەی بەهۆی بۆردوومانە مووشەکییەکەی ئێران تووشی لەقینی مێشک بوونەوە، گەیشتە 109 سەرباز.
کوردپرێس:
وەزارەتی بەرگریی ئەمەریکا لە بەیاننامەیێکدا رایگەیاند، ژمارەی ئەو سەربازانەی بەهۆی بۆردوومانە مووشەکییەکەی ئێران تووشی لەقینی مێشک بوونەوە، گەیشتە 109 سەرباز، 76یان گەڕاونەتەوە خزمەتی سەربازی لە عێراق و 27 سەربازیش لە ئەڵمانیا چارەسەریان وەرگرتووە و لەو ژمارەیەش 21یان ڕەوانەی ئەمەریکا كراونەتەوە و پێنجیان هەر لە ئەڵمانیا ماونەتەوە.
لە وەڵامی تیرۆرکرانی سەردار قاسم سولەیمانی، بەرەبەیانی 8ی کانوونی دووەمی رابردوو، ئێران هێرشی مووشەکی کردە سەر دوو بنکەی سەربازی هێزەکانی ئەمەریکا لە عێراق.
بۆچوونی بەکارهێنەران