هێزەکانی کوردی سووریا دەڵێن دەیان هەزار ئەندام و ژن و منداڵی داعش بە دیلی لای ئەوان چاودێری دەکرێن و هیوایان بەوەیە وڵاتانی دەرەوە مل بەوە بدەن کە هاووڵاتییانی خۆیان وەربگرنەوە کە بە دیلی وەک ئەندامی داعش لای هێزە کوردییەکان.

دەوڵەتی ئەندۆنێزیا ڕایگەیاندووە بەنیازە 600 هاووڵاتیی ئەندۆنێزیایی کە بوونەتە ئەندامی داعش و لای کوردەکانی سووریا بە بەندکراوی ماونەتەوە لەو کوردانە وەربگرێتەوە.

بەگوێرەی نووسراوی ئاسیانیوز، فەخرۆل ڕازی وەزیری کاروباری ئاینیی وڵاتی ئەندۆنێزیا وتوویەتی وڵاتەکەی خەریکی فەراهەم کردنی زەمینەیە بۆ گەڕاندنەوەی ئەو ئەندامانەی داعش.

سەنتەری توێژینەوەی ڕادیکاڵیزم لە ساڵی 2018 ڕایگەیاند مامناوەندی 700 بۆ 800 هاووڵاتیی ئەندۆنێزییا پێوەندییان بە ڕیزەکانی داعشەوە کردووە بەڵام تا ئێستا 180 بۆ 300 کەسیان گەڕاونەتەوە وڵاتی خۆیان.