بەرهەم ساڵح گەیشتە هەولێر/لەگەڵ بەرپرسانی هەرێمی کوردستان کۆ دەبێتەوە
پوختەی هەواڵ
بەشی عێراق و هەرێمی کوردستان- ئەمڕۆ سەرۆککۆماری عێراق گەیشتە هەولێر و لەگەڵ بەرپرسانی باڵای هەرێمی کوردستان کۆ دەبێتەوە.
کوردپرێس: کەناڵی تەلەفیزیۆنیی رووداو لە هەولێر ئاماژەی بەوە کرد، ئێستا بەرهەم ساڵح، سەرۆککۆماری عێراق لەگەڵ مەسعوود بارزانی سەرۆکی پارتی دیموکراتی کوردستان لە کۆبوونەوەدایە.
بەپێی راگەیێندراوێکی بارەگای بارزانی، لە کۆبوونەوەکەدا بارودۆخی سیاسی و دواپێشهاتەكانی عێراق و پرۆسەی پێكهێنانی حكوومەت و راسپاردنی سەرۆكوەزیرانی تازەی عێراق تاوتوێ كرا.
وەک لە راگەیێندراوی کۆبوونەوەکەدا هاتووە، بیروڕا لەبارەی رێگەچارەكان بۆ دەرچوونی عێراق لە قەیرانەكان و گەڕانەوەی سەقامگیری و جێبەجێ كردنی داواكاریی خۆپێشاندەران ئاڵوگۆڕ كرا.
پەیوەندییەكانی هەولێر و بەغدا تەوەرێكی دیکەی ئەو دانیشتنە بوو.
کۆدی هەواڵنێر: 60113
بۆچوونی بەکارهێنەران