لە ماوەی یەک ساڵدا ۱۳۰۰ منداڵ لە سووریا وەکوو سەرباز بەکار هێنراون
پوختەی هەواڵ
بەپێی هەواڵی کوردپرێس، ڕێکخراوی ستیمسۆنی ئەمریکا لە نوێترین ڕاپۆرتی خۆیدا، باسی لە بەردەوامیی بەکارهێنانی منداڵانی سەرباز لە ڕیزەکانی گرووپە سەربازییە جیاجیاکان لە سووریا کردووە، لەوانە لەلایەن هێزی ئۆپۆزسیۆن و هێزەکانی سووریای دیموکرات و هەندێک گرووپی میلیشیاکانی سەر بە تورکیا لەم وڵاتەدا.
ئەم ناوەندە لە ڕاپۆرتەکەیدا ئاماژەی بە ڕاپۆرتی ساڵانەی ئەنجوومەنی ئاسایشی نەتەوە یەکگرتووەکان کردووە کە تێیدا هاتووە لە ماوەی ساڵی ڕابردوودا نزیکەی ۱۳۰۰ منداڵ وەک سەرباز لەلایەن گرووپە جیاجیاکانەوە لە سووریا بەکار هێنراون.
لەم ڕاپۆرتەدا ڕاگەیێندراوە زۆرترین حاڵەتی بەکار هێنانی منداڵان وەکوو سەرباز لەلایەن سوپای ئازادی سووریاوە بووە کە لەلایەن تورکیاوە پاڵپشتی دەکرێت و زیاتر لە ۵۰۰ منداڵی وەک شەڕکەر وەرگرتووە.
دەستەی تەحریر شام بە ۳۸۰ حاڵەتی بەکار هێنانی منداڵان و هێزە کوردییەکانی سووریا بە ۲۲۰ حاڵەت لە ڕیزەکانی دووهەم و سێیەمدان.
بۆچوونی بەکارهێنەران