بەپێی هەواڵی کوردپرێس، زیاد جەبار، سەرۆکی فراکسیۆنی یەکێتی لە پەرلەمانی کوردستان بە تەلەفزیۆنی ڕووداوی وت: "ئەنجوومەنی کۆمیسیاران کارا نەکراوەتەوە و شتێک نییە بە ناوی ئەنجوومەنی کۆمیسیاران. هەڵگرتن و کۆتایی هاتنی دانیشتنی پەرلەمان لە دەسەڵاتی سەرۆکی پەرلەمانە و لەدوای قسەکانی سەرۆکی پەرلەمان کۆبوونەوە نەبووە و ئاژاوە هەبوو."

سەرۆکی فراکسیۆنی یەکێتی لە پەرلەمانی کوردستان دەشڵێت: "دوێنێ سەرۆکی پەرلەمان کۆتایی بە دانیشتنەکە هێنا و شتێک نییە بە ناوی دانیشتنی پەرلەمان و ئەوەی لە پەرلەمان ڕووی دا پێچەوانەی رێککەوتنەکانی پارتی و یەکێتی بوو."

زیاد جەبار لەبارەی کاراکردنەوەی کۆمیسیۆنی باڵای هەڵبژاردنەکان گوتی: "لە کۆبوونەوەی پەرلەمان کۆمیسیۆن کارا نەکراوەتەوە و دەبێت لەسەر ئەو بابەتە لەگەڵ پارتی و لایەنەکان کۆ ببینەوە."