بەپێی هەواڵی کوردپرێس، کۆنگرەی چوارەمی یەکێتیی نیشتمانیی کوردستان ڕۆژی شەممە 21ی دیسێمبێر دەبەسترێت و ئەندامانی حزب ڕایانگەیاندووە کە لە کۆنگرەدا گۆڕانکاریی بنەڕەی لە هەیکەلیەتی حزبدا دەکرێت.

بڵێسە جەبار فەرمان ئەندامی سەرکردایەتی یەکێتی سەبارە بە کۆنگرەی چوارەمی حزبەکەی و دیاری کردنی سەرۆکی نوێ و ئەوەی کە ئایا بە تەوافوق و سازان دەچنە نێو کۆنگرەوە یان بە بێ ڕێککەوت؟ هەروەها پێکهاتەی یەکێتی وتی: لەبارەی مەسەلەی تەوافوقەوە دەبێت بڵێم سێ چوار جۆر تەوافۆق هەیە ئەو تەوافۆقەی باسی لێوە ئەکرێت من ئەم ئەبەم و ئەو ئەبم، ئێمە بە قەتع دژی ئەمەین.

ناوبراو زیادی کرد بەڵام تەوافۆق لەسەر ئەوەی کە زەروورە کێ لەم حزبەدا بمێنێتەوە و کێ پێویستە و هەروەها کێ دەتوانێت لە چ پۆستێک چ بەرپرسیاریەتیێک بگرتە ئەستۆ و بە هەموومانەوە هەماهەنگ بین کە شەخسێکی لەو شێوەیە دەرچێت بۆ سەرکردایەتی و ئەو بەرپرسیاریەتییە بگرێتە ئەستۆ لەم شێوازی تەوافۆقە هەموومان موتەفێقین لەسەری و هەوڵی سەرکەوتنی ئەو کەسایەتییانەیش ئەدەین کە بێن و بتوانن بەرپرسیارێتی قۆناغێکی نوێی یەکێتی بگرنە ئەستۆ.

بڵێسە جەبار لەبارەی ڕاپۆرتەکان و پێشبینییەکان لەسەر هەیکەلیەتی نوێی حزبەکەی پاش کۆنگرە وتی: ئەمانە هەمووی لە کۆنگرەدا یەکلایی ئەکرێتەوە کە هەیکەلیەتی یەکێتی چۆن ئەبێت و بە چ شێوازێک ئەبێت. پەیڕەوی یەکێتی و پڕۆگرامی یەکێتی ئەمانە هەمووی کۆنگرە و ئەندامانی کۆنگرە یەکلایی دەکەنەوە و موناقشاتی ناو کۆنگرە و دەنگدانی ناو کۆنگرە ڕوونی دەکاتەوە.

کۆدی هەواڵنێر: 60113