«هۆگر محەمەد» لە فەرماندە مەیدانییەکانی هێزەکانی سووریای دیموکرات بۆ کوردپرێس ڕاشیگەیاند: سوپای تورکیا بە یاوەریی گرووپە تیرۆریستییەکان لە درێژایی ڕێگای M4 جێگیر کراون و ئاڵای تورکیا لە سەر بینای خانوو و گوندەکانی ناوچە داگیرکراوەکاندا بەرز کراوەتەوە.

ناوبراو زیادی کرد سوپای تورکیا هەموو ڕۆژێ لە سەر ڕێگای M4 نمایشی سەربازی ڕێکدەخات و دەسووڕێتەوە.

فەرماندەکەی هێزەکانی سووریای دیموکرات وتیشی: بەشێک لە ڕێگای نێونەتەوەیی حەلەب لەلایەن گرووپە جیهادییەکانەوە کونترۆڵ کراوە و هاتووچۆی پێدا ناکرێت.

هۆگر محەمەد ئاشکرای کرد لە ئێستادا پێکدادان و ڕووبەڕووبوونەوە لەنێوان هێزەکانی سووریای دیمورکرات و هێزە جیهادییەکان ڕووی نەداوە بەڵام لەو ناوچە 120 کیلۆمەتریەی کە لەلایەن تورکیاوە دەستی بەسەردا گیراوە ناوەناوە شەڕ و پێکدادان لەنێوان هێزی تورکیا و هێزەکانی سووریای دیموکرات ڕوودەدات.

کۆدی هەواڵنێر: 60113