سلێمان محەمەد سەعید، قائیمقامی قەزای دەربەندیخان راگەیاند: "پێشوازیمان کردووە لە عەلی ئەسغەر دەریایی بەڕێوەبەری گشتیی ڕۆشنبیری و هونەری پارێزگای کوردستان لە دیوانی قائیمقامیەت بەئامادەبوونی بەڕێوەبەری ڕۆشنبیری و هونەری دەربەندیخان و بەڕێوەبەری کارگێڕی فێستیڤاڵی شانۆی شەقامی دەربەندیخان ".

ناوبراو وتیشی: "لەگەڵ  عەلی ئەسغەر دەریایی و ڕەشید مەحموودی جێگری بەڕێوەبەری گشتی کاروباری سینەما و هونەر گفتوگۆمان کردووە لەبارەی تێکەڵی کلتوری و هونەری نێوان هەرێمی کوردستان و کوردستانی ئێران، بەتایبەت لەڕووی بەڕێوەچوونی فێستیڤاڵی شانۆی شەقام و هەماهەنگی کردن لە کاتی بەشداری کردنی گرووپەکانی فێستیڤاڵ لەنێوان هەردوولا".

قائیمقامی دەربەندیخان ڕاشیگەیاندووە: "سەردانی شاندەکە بەمەبەستی لەنزیکەوە ئاگاداربوون و بەشداری کردنیان بوو لە حەوتەمین فێستیڤاڵی نێودەوڵەتی شانۆی شەقامی دەربەندیخان،  دواتریش چووین بۆ بینینی یەکێک لە نمایشە شانۆییەکان لە پارکی شار".