نزار مەحموود، ئەندامی جڤاتی نیشتمانی بزووتنەوەی گۆڕان دەڵێت: "بزووتنەوەی گۆڕان حیزبی هەڵبژاردنە و ئامادەیە بۆ ئەنجامدانی هەڵبژاردن، خۆمان ئامادە دەکەین بۆ ئەوەی بەشدارییەکی کارای هەڵبژاردن بکەین، بەڵام تێبینیشمان لەبارەی ئامادەکاری هەڵبژاردن و تۆماری دەنگدەران هەیە، ئێستا سەرقاڵی خۆ رێکخستنەوەین و دەمانەوێت بە باشی خۆمان بۆ هەڵبژاردن ئامادە بکەین".

 ناوبراو گوتیشی، کەمکردنی دەنگەکان تەنیا بزووتنەوەی گۆڕانی نەگرتۆتەوە بەڵکوو لایەنەکانی دیکەش دەنگەکانیان کەمیکردووە، گۆڕان لەسەر ناڕەزایی خەڵک و داخوازی بۆ ژیانێکی باشتری خەڵک دروستبووە، بۆیە ئاساییە ئەگەر دەنگەکانی کەم بکات".

 نزار مەحموود، جەختی کردەوە، "ئەو دەنگدەر و هەڵسووڕاوانەی پێشتر دەنگدەری گۆڕان بوون، نەبوون بە لایەنگری حیزبی دیکە و دەنگیان بە حیزبی دیکە نەداوە، بەڵکوو بایکۆتی هەڵبژاردنیان کردووە، ئەوەش پەیوەندی بەوەوە هەیە لە ئەدای بزووتنەوەی گۆڕان ناڕازی بوون".