بەپێی هەواڵی کوردپرێس، دوران کاڵکان ئەندامی کۆمیتەی بەڕێوەبەریی (PKK) ڕایگەیاند، دەسەڵاتی ئاکەپە - مەهەپە هەوڵ دەدات بوومەلەرزەکەی ٦ی شوبات بۆ خۆی وەک 'خێرێک' بەکاربهێنێت، بەوەش تەمەنی دەسەڵاتەکەی خۆی درێژ بکاتەوە.

ناوبراو درێژەی دا: "ئەنجامەکانی بوومەلەرزەکە ڕاستیی فاشیزمی ئاکەپە - مەهەپەی ئاشکرا کرد، دەمامکەکانی دەموچاویانی هێنایە خوارەوە، نیشانی هەمووانیان دا، کە چین".

کاڵکان ڕاشیگەیاند: دەسەڵاتی تورکیا ناتوانێت متمانە هیچ کەسێک بۆ شتێکی تر دروست بکات. نە لەناوەوە نە لەدەرەوە. ڕەنگە هەندێک بۆ قازانجی خۆیان متمانەی پێ بکەن، بەشیک لە داگیرکەری وەربگرن و بە دەم بە پێکەنینەوە لێ نزیک ببنەوە، بەڵام نابێت کەس بڵێت، کە ئەوانەش هەمیشە پشتگیری تەیب ئەردۆغان دەکەن.

ئەندامەکەی کۆمیتەی بەڕێوەبەریی پارتی کرێکارانی کوردستان ئەوەشی وت: ئاکەپە لە ئەنجامی سیاسەتی ڕانتخۆری و سیاسەتی بیناسازیی بەرپرسیارە. ماوەی ٢٠ ساڵە بینا دروست دەکات، کە هەموویان ئەو سەرئەنجامەیان بە دوای خۆیاندا هێنا. حکوومەتی ئاکەپە - مەهەپە بەرپرسیارە و بە دڵنیاییەوە باجەکەشی دەدات. پێویستە ئێمە ئەوە بزانین. لەبەر ئەوەش هەر کارێک بکەن ناتوانن خۆیان ڕزگار بکەن. بوومەلەرزەکە ئەوانیش هەڵدەوەشێنێتەوە".