بەپێی هەواڵی کوردپرێس، لە راگەیەنراوێکدا مەکتەبی سیاسى یەکێتى رایگەیاندووە، لەبەرامبەر پێشھاتە سیاسییەکان، مەترسی و گەیشتن بە بنبەستی گفتوگۆکان و دوورکەوتنەوە لە یەکتری، ژینگەی سیاسی و کۆمەڵایەتیش لە عێراقدا کەوتە مەترسیییەوە.

هەروەها مەکتەبى سیاسى یەکێتى جەختی کردوەتەوە کە وەک ھەمیشە لەسەر ھێڵی گەرمی گفتوگۆ و پێکھاتن بووە بە رەوینەوەی گرژییەکان و ئاڵۆزتر نەبوونی دۆخەکە.

هاوکات لە راگەیەنراوەکەدا ئەوە خراوەتەڕوو، بەگەرمییەوە پێشوازی لە دەستپێشخەری و ھەموو ھەوڵە نیشتمانییەکان دەکەن کە خراونەتەڕوو بۆ چارەسەرکردنی کێشەکان و گەیشتن بە کۆبوونەوەی نیشتمانی، چونکە تاکە رێگا بۆ سەقامگیری سیاسی، ئەمنی، ئابووری و کۆمەڵایەتی لێکتێگەیشتنە.

هەروەها لە کۆتایشیدا مەکتەبى سیاسى یەکێتى جەختی کردوەتەوە کە لە ھەمووکات زیاتریش پێویستیان بە کاری ھاوبەش ھەیە بۆ نەھێشتنی ئاستەنگەکان. چوونکە ئەزموونەکانی رابردوو سەلماندوویانە ھاوپشتیی عێراقییەکان باشترین رێگایە بۆ زاڵبوون بەسەر ھەموو کێشەکاندا.