دکتۆر «تارق خێرەکی» جێگری سەرۆکی شەپێلا ئازادیا کوردستانی (ŞAK) لە سووریا لە گفتوگۆ لەگەڵ کوردپرێسدا ئاماژەی دا بە دووبارە هەڕەشەکردنەوەی ئەردۆغان لەدژی کوردستانی سووریا وتی: هەردەم هەڕەشەیێک لەدژی کوردستانی سووریا دەکرێت و ئەگەری هێرشی دووبارەی سوپای تورکیا دوور لە چاوەڕوانی نییە.

ناوبراو وەبیری هێنایەوە: دەبێت هەڕەشەکان بە جیددی بزانین و ڕێگاچارەی دیپلۆماسی بۆ پووچەڵ کردنەوەی بگرینەبەر.

جێگری سەرۆکی شەپێلا ئازادیا کوردستانی (ŞAK) وتیشی: تورکیا بەدوای بیانوویێکدا دەگەڕێت بۆ هێرشی دووبارە و ئەگەر بیانووەکەی دەس کەوێت هێزە سەربازییەکانی ڕەوانەی باکووری سووریا دەکاتەوە.

ناوبراو پێشتر بە کوردپرێسی ڕاگەیاندبوو ئەوان وەک شەپۆلی ئازادیی کوردستانی لە سووریا لە پێناو بەرژەوەندیی نیشتمانیی کوردەکان پشتگیریی دیالۆگی کوردی-کوردی لە سووریا دەکەن.

تارق خێرەکی لە کۆتاییدا گوتیشی: خۆرهەڵاتی ناوەڕاست ئێستا گۆڕانێکی ڕیشەیی ئەزموون دەکات و کوردیش بەشێکە لەو گۆڕانکارییانە و پێویستە خۆی بۆ ئەو گۆڕانە ئامادە بکات. بۆیە پێویستە لایەنە کوردییەکان لە سەر پڕۆژە و بەرژەوەندیی هاوبەش بگەنە ڕێککەوتن و پێشوازی لە گۆڕانکارییەکان بکەن.

کۆدی هەواڵنێر: 60113