«ناسر حاجی مەنسوور» لە بەرپرسانی دیپلۆماتکاری بەڕێوەبەرایەتی خۆسەری باکووری سووریا و ئەندامی شاندی ئەو ناوچەیە بۆ وڵاتی سویسڕا لەبارەی ئامانجەکانی سەردانەکەیان بە هەواڵنێری کوردپرێسی وت: لە کۆبوونەوەکانماندا لەگەڵ بەرپرسانی وڵاتانی ئەورووپی لە سویس جگە لە تاوتوێ کردنی دۆخی کەمپی خانەوادەی داعشەکان لە ناوچەکەماندە پرسی هێرشی سەربازیی تورکیا و دۆخی مافی مرۆڤمان لێکداەوە.

ناسر حاجی مەنسوور بەڕێوەبەری ناوندی توێژینەوەی سووریا زیاتر وتی: لە کۆبوونەوەیێکماندا کە بۆ ماوەی دوو ڕۆژ بەردەوام بوو لەگەڵ ڕاوێژکاران و پسپۆڕان و دیپلۆماتکارانی ئەورووپی لە چەند وڵات لەوان ئاڵمانیا، بەریتانیا، سویسڕا و نەرویژ دۆخی سووریامان تاوتێ کرد و هەر لایەنێک باسی لە تێڕوانینی خۆی کرد.

ناوبراو زیادی کرد لەو کۆبوونەوانەدا دۆخی باکوور و ڕۆژهەڵاتی سووریامان پاش هێرشەکانی تورکیا لێکدایەوە و ئەرووپییەکان مۆدێلی بەڕێوەبەرایەتی خۆسەری باکووری سووریا-یان بە مۆدێلێکی سەرکەوتوو وەسف کرد.

ئەندامی شاندی دیپلۆماتکاری باکووری سووریا وتیشی هەر لەو کۆبوونەوانەدا دۆخی مافی مرۆڤ لە کوردستانی سووریا و هەڵمەتەکان بۆ دۆزینەوەی چارەسەری کێشەکانی ناوچەکە باسیان لێوە کرا.

کۆدی هەواڵنێر: 60113